वृत्तसंस्था/ मस्कत
आंतरराष्ट्रीय हॉकी फेडरेशनच्या महिलांच्या प्रो लीग हॉकी स्पर्धेत भारतीय महिला हॉकी संघाने विजयी सलामी देताना सोमवारच्या सामन्यात चीनचा 7-1 अशा गोलफरकाने दणदणीत पराभव केला.
या सामन्यात भारतीय संघातील चानूने 47 व्या आणि 52 व्या मिनिटाला असे दोन गोल पेनल्टी स्ट्रोकवर नोंदविले. नवनीत कौरने पाचव्या मिनिटाला, नेहाने 12 व्या मिनिटाला, वंदना कटारियाने 40 व्या, शर्मिला देवीने 48 व्या आणि गुरजीत कौरने 50 व्या मिनिटाला गोल केले. चीनतर्फे एकमेव गोल 43 व्या मिनिटाला झु डेंगने नोंदविला. या विजयामुळे भारतीय महिला हॉकी संघाने स्पर्धेच्या गुणतक्त्यात 3 गुणांसह तिसरे स्थान मिळविले. भारताचा गोलफरक प्लस 6 असा आहे. आता मंगळवारी भारत आणि चीन यांच्यात पुन्हा सामना खेळविला जात आहे.