ऑनलाईन टीम / पॅरिस :
फ्रान्सने पाच राफेल विमानांची दुसरी तुकडी भारताच्या स्वाधीन केली आहे. पुढील महिन्यात ही विमाने भारतात येऊ शकतात, असे फ्रान्सचे भारतातील राजदूत इमॅन्युअल लेनेन यांनी सांगितले.
राफेल विमानांची दुसरी तुकडी पश्चिम बंगालमधील हवाई दलाच्या कलईकुंडा तळावर तैनात केली जाणार आहे. फ्रान्सने पाच राफेल लढाऊ विमानांची दुसरी तुकडी भारताच्या स्वाधीन केली आहे. या राफेल विमानांत काही बदल करवून घेतले आहेत. त्यामुळे कमी तापमानातही ही विमाने सहजपणे सुरू करता येतील. ही विमाने भारतात केव्हा आणायची हे भारत सरकारवर अवलंबून आहे.
29 जुलै रोजी राफेल विमानांची पहिली तुकडी हरियाणातील अंबाला एअरबेसवर दाखल झाली. 10 सप्टेंबरला एका औपचारिक कार्यक्रमाद्वारे या विमानांचा हवाई दलात समावेश करण्यात आला आहे.