ऑनलाईन टीम / इस्लामाबाद :
आयसीसी टी 20 विश्वचषक स्पर्धेला आज सुरुवात होत असून, भारत विरुद्ध पाकिस्तान यांच्यातील सामना रविवारी (२४ ऑक्टोबर) दुबई आंतरराष्ट्रीय स्टेडियमवर होणार आहे. या सामन्यात पारंपरिक प्रतिस्पर्धी आमने सामने येणार आहेत.
या सामान्याच्या एक दिवस अगोदर पाकिस्तान क्रिकेट बोर्डाने आपला 12 सदस्यीय संघ जाहीर केला आहे. त्यामध्ये बाबर आझम (कर्णधार), मोहम्मद रिझवान (यष्टीरक्षक), फखर जमान, मोहम्मद हाफीज, शोएब मलिक, आसिफ अली, इमाद वसीम, शादाब खान, हसन अली, शाहीन शाह आफ्रिदी, हरिस रौफ, हैदर अली या खेळाडूंचा समावेश आहे.