ऑनलाईन टीम / नवी दिल्ली :
कल्पना चावला यांच्यानंतर आता सिरिशा बांदला ही भारतीय वंशाची महिला अंतराळात झेप घेणार आहे. व्हर्जिन गॅलेक्टिक या अमेरिकन अंतराळ कंपनीच्या रिचर्ड ब्रेनसन या यानासोबत सिरिशा अंतराळ मोहिमेवर जाणार असून, अंतराळात संशोधन विभागाची जबाबदारी त्या सांभाळणार आहेत. 11 जुलै रोजी मेक्सिको येथून हे यान उड्डाण घेणार असून, त्याकडे भारतीयांचे लक्ष लागले आहे.
सिरिशा यांच्यासोबत या मोहिमेत सहा सहकारी असणार आहेत. त्यामध्ये बेश मोसिस या महिला शास्त्रज्ञाचाही समावेश आहे. 34 वर्षीय सिरिशा या ॲरोनॉटिकल इंजिनिअर आहेत. त्यांचा जन्म आंध्रप्रदेशातील गुंटूर जिल्ह्यात झाला. टेक्सासच्या ह्यूस्टनं येथे त्यांचे शालेय शिक्षण झाले आहे. तर पदवीपर्यंतचं शिक्षण त्यांनी इंडियानाच्या पर्ड्यू विश्वविद्यापीठातून पूर्ण केले आहे.