वृत्तसंस्था/ ब्यूनोस आयरीस
भारताच्या महिला हॉकी संघाला अर्जेंटिनाच्या दौऱयावर पहिल्या पराभवाला सामोरे जावे लागले. या दौऱयातील शुक्रवारी झालेल्या सामन्यात यजमान अर्जेंटिनाच्या ब महिला हॉकी संघाने भारताचा 2-1 अशा गोलफरकानी पराभव केला.
या सामन्यात 11 व्या मिनिटाला अर्जेंटिनाच्या ब संघाचे खाते सॉल पॅगेलाने उघडले. भारतातर्फे एकमेव गोल सलिमा टेटेने 54 व्या मिनिटाला नोंदविला. अर्जेंटिना ब संघाचा दुसरा आणि निर्णायक गोल ऑगेस्टीना गोझेलेनीने सामना संपण्यास तीन मिनिटे बाकी असताना केला. अर्जेंटिनाच्या या दौऱयात भारतीय महिला हॉकी संघाने यापूर्वी झालेल्या अर्जेंटिनाच्या कनिष्ठ महिला संघाबरोबरचे दोन्ही सामने बरोबरीत राखले होते. आता भारतीय महिला हॉकी संघाचा या दौऱयातील पुढील सामना रविवारी अर्जेंटिना ब संघाबरोबर होणार आहे.