ऑनलाईन टीम / नवी दिल्ली :
पूर्व लडाखमधील सीमारेषेवरून भारत आणि चीनमध्ये निर्माण झालेला तणाव दूर करण्यासाठी 12 ऑक्टोबरला कोअर कमांडर स्तरावरील बैठक होणार आहे. भारतीय लष्कराच्या हवाल्याने एका वृत्तसंस्थेने ही माहिती दिली आहे.
आतापर्यंत दोन्ही देशांच्या कोअर कमांडर स्तरावर सहा बैठका झाल्या आहेत. या बैठकांमध्ये दोन्ही देशांनी तणाव कमी करण्यासाठी सहमती दर्शवली. मात्र, चीनकडून सातत्याने सीमेवर आगळीक केली जात असून, घुसखोरीचेही प्रयत्न केले जात आहेत. चीनचे घुसखोरीचे प्रयत्न भारतीय लष्कराने हाणून पाडले असले, तरी सीमेवरील तणाव कायम आहे. सीमेवरील तणाव कमी करण्यासाठी सातव्या फेरीतील कोअर कमांडर स्तरावरील बैठक पुढील आठवड्यात होणार आहे.