ऑनलाईन टीम / मुंबई :
अन्न आणि नागरी पुरवठामंत्री छगन भुजबळ यांची 100 कोटींची बेहिशोबी मालमत्ता आयकर विभागाने जप्त केल्याचा दावा भाजप नेते किरीट सोमय्या यांनी केला आहे.
किरीट सोमय्या यांनी केलेल्या ट्विटमध्ये म्हटले आहे की, राष्ट्रवादीचे नेते आणि ठाकरे सरकारचे मंत्री छगन भुजबळ, माजी खासदार समीर भुजबळ, माजी आमदार पंकज भुजबळांच्या 100 कोटींच्या बेनामी मालमत्ता आयकर विभागाने जप्त केल्या आहेत.
दरम्यान, भुजबळ कुटुंबाने कोलकात्तामधील बोगस तेल कंपन्यांद्वारा केलेल्या मनी लॉण्ड्रींग प्रकरणात आयकर विभागाने प्रसिद्धीपत्रक काढले असून, सत्र न्यायालयात दावा दाखल झाला आहे. त्यानुसार सात वर्षांपर्यंत पर्यंत शिक्षा होऊ शकते, असेही सोमय्या यांनी म्हटले आहे.