सहा जणांना अटक, उद्यमबाग, खडेबाजार पोलिसांची कारवाई
प्रतिनिधी / बेळगाव
मजगाव, स्टेशन रोड येथील दोन मटका अड्डय़ांवर छापे टाकून सहा जणांना अटक करण्यात आली आहे. गुरुवारी उद्यमबाग व खडेबाजार पोलिसांनी ही कारवाई केली असून त्यांच्या जवळून 18 हजार 720 रुपये रोख रक्कम जप्त करण्यात आले आहेत.
पोलीस आयुक्त डॉ. के. त्यागराजन यांनी एका पत्रकाव्दारे ही माहिती दिली आहे. पोलीस उपायुक्त डॉ. विक्रम आमटे यांच्या नेतृत्वाखाली उद्यमबागचे पोलीस निरीक्षक दयानंद शेगुनशी, खडेबाजारचे पोलीस निरीक्षक धिरज शिंदे व त्यांच्या सहकाऱ्यांनी ही कारवाई केली आहे.
उद्यमबाग पोलिसांनी मजगाव येथे अब्दुल मुनाफ तिगडी (रा. रायण्णानगर, मजगाव), सुरेश करेण्णावर (रा. मच्छे), वसीम हुक्केरी (रा. रुक्मिणीनगर), या तिघा जणांना अटक करुन 13 हजार 570 रुपये रोख रक्कम जप्त केली आहे. तर खडेबाजार पोलिसांनी मेहबुब शिलेदार (रा. न्युगांधीनगर), जाहीर सनदी, शमसुद्दीन नाईक (दोघेही रा. अमाननगर) या दोघा जणांना अटक करुन 5 हजार 150 रुपये रोख रक्कम जप्त केली आहे.