प्रतिनिधी /पणजी
गोवा राज्यातील विधानसभा मतदार संघाची मतमोजणी 10 मार्च रोजी होणार असल्याने मतमोजणी केंद्रांजवळ लोकांची गर्दी आणि कायदा व सुव्यवस्थेची समस्या टाळण्यासाठी उत्तर गोवा जिल्हा न्यायदंडाधिकाऱयानी सर्व परवानाधारक दारूची दुकाने बंद ठेवण्याचे आदेश दिले आहेत.
बार आणि रेस्टोरंटचा परवाना असलेली दुकाने फक्त जेवण देण्यासाठी खुली ठेवण्यास मान्यता आहे. तथापि बार काऊंटर मात्र वरील दिवशी बंद ठेवावे आणि दारूची विक्री करू नये. बार आणि रेस्टोरंटचा परवाना असलेल्या मालकांनी फक्त जेवण मिळेल असा फलक बाहेर लावावा.