प्रतिनिधी / मिरज
पदवीधर निवडणुकीच्या पार्श्वभूमीवर सांगली – मिरज रस्त्यावर नाकाबंदी सुरू असताना तेथे लावलेल्या बॅरिकेटला आणि कर्तव्यावर असलेल्या पोलिस कर्मचाऱ्याला मद्यधुंद दुचाकीस्वाराने जोराची धडक दिली. या अपघातात संतोष विजय माळी हे पोलिस कर्मचारी जखमी झाले आहेत. बॅरिकेटचे नुकसान झाले असून, पोलिसांसमोरच मद्यपी वाहन चालकाने हा स्टंट केल्याने दिवसभर याची शहरात चर्चा सुरू होती.