ऑनलाईन टीम / भोपाळ
देशात कोरोनाचा प्रादुर्भाव दिवसेंदिवस वाढतच चालला आहे. मध्य प्रदेशमध्ये देखील कोरोनाचा झपाट्याने फैलाव होत आहे. गेल्या चोवीस तासात 270 नवे रुग्ण आढळून आले. त्यामुळे मध्य प्रदेशमध्ये कोरोना रुग्णांची एकूण संख्या 5 हजार 735 वर जाऊन पोहचली आहे. तर आता पर्यंत 267 लोकांचा कोरोनामुळे मृत्यू झाला आहे.
इंदोरमध्ये कोरोना रुग्णांची संख्या सर्वात जास्त आहे.
मागील चोवीस तासात 78 नव्या कोरोना रुग्णांची भर पडली आहे. त्यामुळे इंदूरमधील एकूण कोरोना रुग्णांची संख्या 2715 वर पोहचली आहे, तर कालच्या दिवसात दोन रुग्णांचा मृत्यू झाला आहे, अशी माहिती मुख्य चिकित्सा आणि स्वास्थ्य अधिकारी प्रवीण जडिया यांनी दिली.
दरम्यान, इंदोर मध्ये कोरोनाचा पाहिला रुग्ण 24 मार्च रोजी सापडला होता. त्यानंतर 25 मार्च पासून संपूर्ण जिल्ह्यात कर्फ्यू लावला असून जिल्ह्यातील अन्य क्षेत्रात देखील कडक लॉक डाऊन सुरू आहे.