ऑनलाईन टीम / नवी दिल्ली :
मनी लॉन्ड्रिंगच्या आरोपाखाली दोन चिनी नागरिकांना अंमलबजावणी संचालनालयाने रविवारी अटक केली.
चार्ली पेंग आणि कार्टर ली अशी या चिनी नागरिकांची नावे आहेत. दिल्लीत चिनी कंपन्यांसाठी एक मोठे हवाला रॅकेट चालवून हे दोघेही भारत सरकारचा कोट्यवधींचा कर बुडवत होते. आयकर विभागाने गेल्या वर्षी चार्ली पेंगच्या छुप्या अड्ड्यांवर छापा टाकला होता. त्यानंतर दिल्ली पोलिसांच्या विशेष पथकाने नुकताच पेंगविरुद्ध एफआयआर दाखल केला आहे.
ईडीने ऑगस्टमध्ये चार्लीविरुद्ध मनी लाँडरिंगचा गुन्हा दाखल केला होता. त्यानंतर ईडी चार्ली पेंगच्या सर्व संशयास्पद व्यवहारांची चौकशी करत होते. पेंग केवळ भारतातील हवाला व्यवसायातच नव्हे तर तिबेटी धर्मगुरू दलाई लामांची हेरगिरी करत असल्याचेही तपासात निष्पन्न झाले आहे.