प्रतिनिधी/ बेळगाव
मुलांना मातृभाषेतच शिक्षण देणे आवश्यक आहे. त्या दृष्टिने प्रियंका कळसकर व अमित कळसकर तसेच सोनाली व जयदीप बिर्जे यांनी आपल्या मुलांना परिणीती व श्रीशा यांना मराठी शाळेत घातले. त्याबद्दल त्यांचा सीए वनिता बिर्जे व मराठा जागृती निर्माण संघाचे संघ प्रमुख गोपाळराव बिर्जे यांच्या हस्ते सत्कार करण्यात आला.
शुक्रवार पेठ येथील लिओ इंजिनिअर्सच्या कार्यालयात हा कार्यक्रम झाला. मातृभाषेतून शिक्षण घेतल्याने मुलांना चटकन आकलन होते व त्यांची कुचंबना होणार नाही, असे गोपाळराव बिर्जे म्हणाले. याप्रसंगी कदम, वेदांत बिर्जे, सौरभ बाळेकुंद्री, विजय राजगोळकर आदी उपस्थित होते. श्रद्धा लोहार यांनी आभार मानले.