नवी दिल्ली
लक्झरी कार्सच्या विक्रीत नाव कमावणाऱया जर्मनीतील मर्सीडिझ बेंझ कंपनीला नवरात्र उत्सव आनंददायी ठरला आहे. या काळात 550 कार्स विक्री करण्यात कंपनीला यश आलं आहे. मुंबई, गुजरात, दिल्ली-एनसीआर आणि इतर उत्तर भारतीय बाजारात कंपनीने आपल्या मोटारी उत्तमपणे खपवल्या असल्याचे सांगण्यात येत आहे. यातही पुन्हा दिल्ली-एनसीआरचा कार मागणीतला वाटा सर्वाधिक राहिला आहे. दिल्ली-एनसीआरमध्ये 175 कार्सचा खप झाला असल्याचे कंपनीने सांगून येणाऱया दिवाळीच्या दिवसात मागणीत आणखी वाढ होणार असल्याचा विश्वास व्यक्त केला आहे.