शुक्रवारी सायंकाळपर्यत साहित्य जमा करण्याचे नागरिकांना आवाहन
मालवण:
चिपळुणमध्ये बचावकार्यासाठी मालवणातील तरुणांची आपतकालीन टीम रवाना झाली असताना आता पूरग्रस्तांना तातडीने जीवनावश्यक साहित्य पोहचविण्यासाठी मालवणातील बॕ. नाथ पै सेवांगण आणि मातृत्व आधार फाऊंडेशन या संस्थांनी पुढाकार घेतला आहे. चांगल्या स्थितीतील कपडे, चादर, मेणबत्ती, माचिस तसेच तयार अन्न जसे की फरसान बिस्किट आदी शुक्रवारी सायंकाळी ४ वाजेपर्यंत जमा बॕ. नाथ सेवांगण मालवण येथे जमा करण्याचे आवाहन सेवांगणचे कार्यवाह लक्ष्मीकांत खोबरेकर यांनी केले आहे. तर मातृत्व आधार फाऊंडेशनने लोकनेते आर. जी. चव्हाण हॉल याठिकाणी साहित्य जमा करण्याचे आवाहन केलेय. नागरिकांनी अधिक माहितीसाठी संजय वराडकर 9422596987 यांच्याशी संपर्क साधावा.