- रुग्ण बरे होण्याचे प्रमाण 93.4 %
ऑनलाईन टीम / मुंबई :
महाराष्ट्रात मागील 24 तासात 7,486 रुग्ण कोरोनामुक्त झाले आहेत. राज्यात आतापर्यंत 17 लाख 23 हजार 370 रुग्ण कोरोनामुक्त झाले असून, त्यांना डिस्चार्ज देण्यात आला आहे. राज्यातील कोरोना रुग्ण बरे होण्याचे प्रमाण सध्या 93.4 % आहे.
दरम्यान, मागील 24 तासात राज्यात 4,757 नवे कोरोनाबाधित रुग्ण आढळले. त्यामुळे राज्यातील एकूण कोरोनाबाधितांची संख्या 18 लाख 52 हजार 266 वर पोहचली आहे. सध्या 85 हजार 535 रुग्ण उपचार घेत आहेत. रवीवारी दिवसभरात 40 कोरोनाबाधितांचा मृत्यू झाला. तर मृतांचा एकूण आकडा 47 हजार 734 एवढा आहे. सध्या राज्यातील मृत्यू दर 2.58 % आहे.
प्रयोगशाळेत आतापर्यंत तपासणीसाठी पाठविण्यात आलेल्या 1 कोटी 12 लाख 73 हजार 705 नमुन्यांपैकी 18 लाख 52 हजार 266 रुग्णांचे रिपोर्ट पॉझिटिव्ह आले आहेत. सध्या राज्यात 5 लाख 56 हजार 085 लोक होम क्वारंटाईनमध्ये असून, 5 हजार 903 लोक संस्थात्मक क्वारंटाईनमध्ये आहेत.