मुंबई
बँक ऑफ महाराष्ट्र यांनी गृहकर्जावरील व्याजदरामध्ये कपातीची घोषणा केली आहे. बँकेने व्याजदरामध्ये 40 बेसिस पॉइंटस्नी कपात करत गृहकर्जधारकांना मोठा दिलासा दिला आहे. बँकेचा नवा गृहकर्ज व्याजदर 0.40 टक्के कपातीसह 6.40 टक्के इतका असणार आहे. यापूर्वी 6.80 टक्के इतका व्याजदर होता. याच प्रमाणे बँकेने वाहन कर्जावरील व्याजदरामध्येही 25 बेसिस पॉईंटस्ने कपात केली आहे. आता या कर्जाचा व्याजदर 6.80 टक्के इतका असणार आहे.