प्रतिनिधी/ सातारा
कोरोना हद्दपार व्हावा व लसीकरण मोहिम शंभर टक्के पुर्ण व्हावी हा उद्देश समोर ठेऊन शहरात विविध ठिकाणी कोरोना प्रतिबंधक महालसीकरण मोहिम राबविण्यास सुरूवात करण्यात आली आहे. सदर मोहिम दि. 21 ते 23 सप्टेंबर दरम्यान शहरातील विविध ठिकाणी राबविण्यात आली. या मोहिमेअंतर्गत एकुण 6 हजार 200 नागरिकांना लस देण्यात आली.
यावेळी पहिला व दुसऱया या दोन्ही लसी केंद्रावर उपलब्ध करून देण्यात आल्या होत्या. सकाळी 10 ते सायंकाळी 5 यावेळेत सलग तीन दिवस ही मोहिम राबविण्यात आली. जिल्हा परिषद आरोग्य विभाग व सातारा पालिकेच्या संयुक्त विद्यमाने राबविण्यात आलेल्या या मोहिमेचे स्वागत सातारकरांतर्फे करण्यात आले. तसेच मुख्य लसीकरण केंद्रापर्यंत जाणे शक्य नसणाऱया नागरिकांना आपल्या निवासस्थानाजवळच लसीकरणाची सोय उपलब्ध झाल्याने समाधान ही व्यक्त करण्यात येत होते. यावेळी 18 वयोगटापुढील सर्व नागरिकांना लसीकरण करण्यात आले.