प्रतिनिधी/ कराड :
कराड तालुक्यातील उंब्रज येथील रहिवासी असणाया 29 वर्षीय महिला पोलिस अधिकायाने कोरानावर यशस्वी मात केली. त्यांच्यासह कोरोनावर मात करणाया 5 जणांना आज कृष्णा हॉस्पिटलमधून टाळ्यांच्या गजरात डिस्चार्ज देण्यात आला.
उंब्रज येथील 29 वर्षीय महिला मुंबई येथे पोलिस दलात अधिकारी म्हणून कार्यरत आहे. सेवेत असतानच त्यांना कोरोनाची लागण झाली. त्यावेळी त्यांना उपचारासाठी कराड येथील कृष्णा हॉस्पिटलमध्ये दाखल करण्यात आले. यशस्वी उपचाराने त्यांनी कोरोनावर मात केली असून, त्या आता कोरोनामुक्त झाल्या आहेत. त्यांच्यासह वानरवाडी येथील 25 वर्षीय युवक, 25 वर्षीय महिला, सदुर्पेवाडी-सळवे-पाटण येथील 30 वर्षीय महिला आणि नवारस्ता – पाटण येथील 12 वर्षीय मुलगी अशा एकूण 5 जणांना आज कृष्णा हॉस्पिटलमधून टाळ्यांच्या गजरात डिस्चार्ज देण्यात आला.
यावेळी पोलिस उपनिरीक्षक दीपज्योती पाटील, सहाय्यक पोलिस निरीक्षक शुभांगी जमदाडे, कृष्णा अभिमत विद्यापीठातील भक्ती जोशी, मेघा पाटील, गोपालकृष्ण जोशी, वरद जंबगी यांच्या हस्ते या कोरोनामुक्त रूग्णांचा पुष्पगुच्छ देऊन सत्कार करण्यात आला.
याप्रसंगी कृष्णा हॉस्पिटलचे वैद्यकीय संचालक ए. वाय. क्षीरसागर, तालुका वैद्यकीय अधिकारी डॉ. संगीता देशमुख, कृष्णा विद्यापीठाचे सहाय्यक कुलसचिव एस. ए. माशाळकर, डॉ. संजय पाटील, डॉ. व्ही. सी. पाटील, डॉ. एस. आर. पाटील, रोहिणी बाबर यांच्यासह हॉस्पिटलचा अन्य स्टाफ उपस्थित होता.