प्रतिनिधी / वाकरे
महिला सक्षमीकरण करण्यासाठी कौशल्ये विकास कार्यक्रमाची गरज असून वाकरे ग्रामपंचायतीच्या माध्यमातून हा उपक्रम राबवून चांगले कार्य केले आहे. असे प्रतिपादन कोल्हापूर महानगरपालिकेच्या माजी महापौर निलोफर आजरेकर यांनी केले.
वाकरे ता. करवीर येथील ग्रामपंचायतीच्यावतीने आयोजित कौशल्य विकास कार्यक्रम अंतर्गत ब्युटी पार्लर प्रशिक्षण समारोप आणि प्रशस्तीपत्र वाटपप्रसंगी कोल्हापूर महानगरपालिकाच्या महापौर आजरेकर बोलत होत्या.अध्यक्षस्थानी जिल्हा बँकेच्या संचालिका उदयानी साळोखे होत्या.
संचालिका साळोखे यांनी जिल्हा बँकेच्या माध्यमातून अशा उपक्रमाना सहकार्य करण्याचे आश्वासन दिले. कार्यक्रमाला पं.स. सदस्य अविनाश पाटील, सरपंच वसंत तोडकर आदि.उपस्थित होते तसेच प्रशिक्षक सरिता कांबळे, शिवाजी शिरोलीकर ,श्रीरंग कांबळे, यांचा सत्कार करण्यात आला.