प्रतिनिधी / सोलापूर
माजी आमदार प्रकाश यलगुलवार यांचे चिरंजीव शशिकांत यलगुलवार यांच्या सोरेगाव येथील शेतातून अज्ञात चोरट्यांनी ट्रॅक्टरचे चार मोठे नांगर व रोटावेटर आदी 16 हजारांचे साहित्य चोरून नेले आहे. याप्रकरणी विजापूर नाका पोलीस ठाण्यात गुन्हा नोंद झाला आहे.
याप्रकरणी मदप्पा अमोगसिध्द म्हेत्रे (वय 45, रा. सोरेगाव) यांनी फिर्याद दिली आहे. म्हेत्रे यांनी त्यांच्या स्वत:च्या ट्रॅक्टरचे अवजार नेहमीप्रमाणे यलगुलवार यांच्या शेतात ठेवले होते. शेतात कोणी नसताना चोरट्यांनी सदर अवजार चोरून नेली आहेत. पुढील तपास हवालदार चव्हाण हे करीत आहेत.