ऑनलाईन टीम / नवी दिल्ली :
माजी पंतप्रधान डॉ. मनमोहन सिंग यांनी कोरोनावर यशस्वीरित्या मात केली आहे. त्यानंतर गुरुवारी त्यांना एम्स रुग्णालयातून घरी सोडण्यात आले.
19 एप्रिल रोजी त्यांना कोरोनाची लागण झाली होती. त्यानंतर त्यांना एम्स मधील ट्रामा सेंटरमध्ये भरती करण्यात आले होते.
दरम्यान, कोरोनाची लागण होण्यापूर्वी मनमोहन सिंग यांनी पंतप्रधान नरेंद्र मोदी यांना एक पत्र लिहिले होते. या पत्राद्वारे त्यांनी देशात कोरोना विरोधातील लसीकरणाचा वेग वाढवण्याचा सल्ला दिला होता. तसेच 45 वयापेक्षा कमी वयाच्या लोकांचाही लसीकरणात समावेश करा अशी मागणी देखील केली होती. मनमोहन सिंग यांनी लिहिलेले हे पत्र पी. चिदंबरम यांनी शेअर केले होते.