वृत्तसंस्था/ हैदराबाद
भारताचे माजी ऑलिम्पिक फुटबॉलपटू सईद शाहिद हकीम यांना मंगळवारी रात्री हॉस्पिटलमधून डिस्चार्ज देण्यात आला. 81 वर्षीय हकीम यांना 13 जुलै रोजी कोरोनाची लागण झाल्याने हॉस्पिटलमध्ये दाखल करण्यात आले होते.
हकीम यांनी 1960 च्या रोम ऑलिम्पिकमध्ये भारताचे प्रतिनिधित्व केले होते. त्यांना डिस्चार्ज देण्यात आला असला तरी 21 दिवस होम क्वारन्टाईन होण्याचा त्यांना सल्ला देण्यात आला आहे. घरी परतल्यामुळे त्यांनी आनंद व्यक्त केला आहे. महान फुटबॉल प्रशिक्षक एसए हकीम यांचे सुपुत्र आहेत.