प्रतिनिधी / कोल्हापूर
1983 च्या विश्वचषक विजेत्या भारतीय क्रिकेट संघातील सदस्य माजी कसोटीवीर यष्टिरक्षक सय्यद किरमाणी शुक्रवारी (22 ऑक्टोबर) एका कार्यक्रमासाठी कोल्हापुरात येणार आहेत. संस्कारा हेअरिंग सोल्युशनच्या क्लिनिकच्या उद्घाटनासाठी येणारे किरमाणी प्रसारमाध्यमांशीही संवाद साधणार आहेत. हॉटेल सयाजी येथे सकाळी 11ः30 वाजता कार्यक्रम होणार आहे. 72 वर्षीय किरमाणी यांनी भारताकडून 88 कसोटी आणि 49 एकदिवसीय सामन्यात प्रतिनिधीत्व केले आहे.