वृत्तसंस्था/ दुबई
मंगळवारी घोषित करण्यात आलेल्या आयसीसी महिलांच्या वनडे मानांकना फलंदाजांच्या ताज्या यादीत भारताच्या मिताली राजने तिसरे तर स्मृती मानधनाने सहावे स्थान मिळविले आहे. अष्टपैलूंच्या मानांकन यादीत भारताची दीप्ती शर्मा पाचव्या स्थानावर आहे.
महिलांच्या वनडे फलंदाजांच्या मानांकन यादीत दक्षिण आफ्रिकेची ली 761 मानांकन गुणासह पहिल्या स्थानावर आहे. मिताली राज 738 गुणासह तिसऱया तर स्मृती मानधना 710 गुणासह सहाव्या स्थानावर आहे. विंडीजच्या स्टिफेनी टेलर आणि मॅथ्यूज यांनी फलंदाजांच्या आणि अष्टपैलूंच्या मानांकन यादीत अनुक्रमे चौथे आणि आठवे स्थान मिळविले आहे.