100 वर्षांपूर्वी झालेल्या खननामुळे जमीन खचली, नागरिकांची घरे आता हलविण्याची वेळ
स्वीडनच्या 130 वर्षे जुन्या किरुना टाउनसाठी वरदानच अभिशाप ठरला आहे. यामुळे येथील 300 घरांना तीन किलोमीटर अंतरावर हलविण्याची वेळ आली आहे. किरुना टाउन जगाती मायनिंग सिटीच्या नावाने प्रसिद्ध आहे. येथील भूगर्भात लोहखनिजाचा प्रचंड साठा आहे. येथील एका खाणीत दिवसभरात 6 आयफेल टॉवरच्या मूल्याइतके लोहखनिज प्राप्त केले जाते.
निसर्गाच्या या वरदानामुळे मायनिंग कंपन्यांनी येथे तळ ठोकला आहे. मागील 100 वर्षांमध्ये इथे झालेल्या प्रचंड उत्खननामुळे 20 हजार लोकसंख्या असलेली ही वस्ती आता भूगर्भात सामावू लागली आहे. संकट पाहता स्वीडन सरकार सर्व घरांना अन्यत्र हलवून खाणींना वाचवू पाहत अताहे. पण ज्या इमारतींचे स्थलांतर करता येणार नाही, त्यांना जमीनदोस्त करून सरकार हुबेहुब इमारती नव्या वसाहतीत तयार करत आहे.
स्वीडन सरकारने 2013 मध्ये घरांना हलविण्याची योजना आखली होती. ही योजना 20178 मध्ये लागू करता आली आहे. मागील 4 वर्षांमध्ये सुमारे 20 टक्के घरांचे स्थानांतरण झाले आहे. आगामी 10 ते 15 वर्षांमध्ये नवे किरुना टाउन तयार होणार असल्याचा स्वीडन सरकारचा दावा आहे.