दांडी आवार येथील घटना
मालवण:
मत्स्य उद्योजक रुजारिओ पिंटो यांच्या मालवण बंदर दांडी आवार येथील कावनास आग लागून सुमारे दहा लाख रुपयांचे नुकसान झाले. मंगळवारी सकाळी ८.३० वाजताच्या दरम्याने ही आग लागली. शॉर्टसर्कीटमुळे आग लागल्याची शक्यता व्यक्त होत आहे. आगीत ट्रॉलर्सची जाळी, मासेमारीचे अन्य साहित्य, प्लास्टिक बॕरल आणि सिमेंट पत्रांचे मोठे नुकसान झाले. आग विझविण्यासाठी स्थानिकांनी पाण्याचा जोरदार मारा केला. तसेच काही जाळी आणि सामान कावनातून बाहेर काढले. अन्यथा नुकसानीचा आकडा आणखी वाढला असता.