प्रदेश काँग्रेसतर्फे पोलीस उपमहानिरीक्षकांकडे तक्रार
प्रतिनिधी / पणजी
प्रदेश काँग्रेस उपाध्यक्ष संकल्प आमोणकर यांना मास्क न वापरल्याप्रकरणी अटक करणाऱया वास्को पोलिसाला एकतर निलंबित करावे किंवा मास्क न वापरणाऱया मुख्यमंत्री डॉ. प्रमोद सावंत व इतरांना अटक करण्यात यावी अशी मागणी करून प्रदेश काँग्रेस अध्यक्ष गिरीश चोडणकर यांनी उपमहानिरीक्षकांकडे तक्रार सादर केली आहे.
दाबोळी ग्रेड सेपरेटर तसेच इतर ठिकाणी मास्क न वापरता व एकमेकांपासून सामाजिक अंतर न राखता कोरोना मार्गदर्शक तत्वांचे उल्लंघन करणारे मुख्यमंत्री सावंत तसेच पंचायतमंत्री माविन गुदिन्हो, आमदार एलिना साल्ढाना, जोशुआ डिसोझा यांच्याविरुद्ध गुन्हा नोंदवून त्यांना अटक करण्यात यावी, अशी मागणी करण्यात आली आहे.
कोविड सेंटरला विरोध करणाऱयास अटक होत असेल तर उपमुख्यमंत्री बाबू कवळेकर व वीजमंत्री निलेश काब्राल यांनी कुडचडे व केपे येथे कोविड सेंटरला विरोध केला होता. त्यांनाही अटक करण्यात यावी, अशी मागणीही चोडणकर यांनी केली आहे.