वृत्तसंस्था/ मियामी
चालू महिन्याच्याअखेरीस येथे होणाऱया एटीपी टूरवरील मियामी खुल्या पुरूषांच्या आंतरराष्ट्रीय टेनिस स्पर्धेत ब्रिटनचा माजी विजेता अँडी मरेला स्पर्धा आयोजकांनी वाईल्डकार्डद्वारे प्रवेश दिला आहे. सदर स्पर्धा 22 मार्च ते 4 एप्रिल दरम्यान होणार असून सुमारे 74 अव्वल टेनिसपटू सहभागी होत आहेत. एटीपी मानांकनात मरे सध्या 116 व्या स्थानावर आहे. ब्रिटनच्या मरेने 2009 आणि 2013 साली मियामी स्पर्धा जिंकली होती.