आमदार आणि वकीलांच्या पाठपुराव्याला यश, शासनाने प्रस्ताव मागविला
प्रतिनिधी/मिरज
शहरातील किल्ला भागात तालुका न्यायालय पुन्हा कार्यान्वित होण्याच्या हालचाली गतीमान झाल्या आहेत. पूर्वीच्या न्यायालयाच्या जागेवरच अद्ययावत इमारत उभारण्यासाठी प्रस्ताव मागविले जात आहेत. त्यामुळे आगामी काही वर्षात जीर्ण इमारतीचे कारणास्तव बंद झालेले न्यायालय पुन्हा सुरू होणार आहे. नवीन इमारतीसाठी मिरज बार असोसिएशन आणि आमदार सुरेश खाडे यांनी सुरू केलेल्या पाठपुराव्याला यश येण्याची शक्यता बळावली आहे. गुरूवारी आमदार सुरेशभाऊ खाडे, मिरज बार असोसिएशनचे अध्यक्ष ऍड. ए. एस. कुडचे, उपाध्यक्ष ऍड. एच. आर. मुल्ला, ऍड. बी. व्ही. बेळंकी, ऍड. एस. आय. आलासे, ऍड. संदीप मालगांवकर, ऍड. वासूदेव ठाणेदार यांनी तशी माहिती पत्रकारांना दिली.