महापालिकेत गैरकारभार बोकाळल्याचा आरोप, विविध संघटनांकडून पाठींबा
प्रतिनिधी/मिरज
शहरातील पार्किंगच्या जागेवरील बेकायदेशीर अतिक्रमणे, घंटागाडय़ांवर विनाकारण होणारा पेट्रोल खर्च याबाबत वारंवार महापालिकेकडे तक्रारी करुनही अद्याप कारवाई झाली नसल्याच्या निषेधार्थ गुरुवारी आम आदमीच्या वतीने एकदिवशीय धरणे आंदोलन करण्यात आले. महापालिका कार्यालयाच्या प्रवेशद्वारा समोर आम आदमीच्या कार्यकर्त्यांनी धरणे धरुन मनपाच्या भोंगळ कारभारावीरोधात निषेधाच्या घोषणा दिल्या. या आंदोलनाला विविध राजकीय व सामाजिक संघटनांनी पाठींबा दिला.