प्रतिनिधी / बेळगाव
येथील मिरज माहेर मंडळातर्फे नवीन वर्षाची पहिली बैठक व तिळगूळ समारंभ असा संयुक्त कार्यक्रम नुकताच पार पडला. हा कार्यक्रम वैभवनगर येथील संगवी यांच्या निवासस्थानी आयोजित करण्यात आला होता. सर्व सदस्यांच्या उपस्थितीत वर्षभरात राबवायचे उपक्रम याबद्दल चर्चा करण्यात आली.
यानंतर सर्व सदस्यांना तिळगूळ व वाणाचे वितरण करण्यात आले. तसेच मागील पदाधिकाऱयांनी नवीन कार्यकारिणीकडे सूत्रे प्रदान केली. गटचर्चा करण्यात आली. पूजा नातू यांनी आभार मानले.