वैद्यकीय क्षेत्रात खळबळ, वसतीगृहातील अन्य विद्यार्थीनींचीही तपासणी
प्रतिनिधी / मिरज
मिरज वैद्यकीय महाविद्यालयाच्या वसतीगृहात राहणाऱ्या सात विद्यार्थीनी एकाचवेळी कोरोना पॉझिटीव्ह आढळल्याने रुग्णालय प्रशासनासह वैद्यकीय क्षेत्रात खळबळ माजली आहे. वसतीगृहातील अन्य विद्यार्थीनींचे नमुने तपासणीसाठी घेण्यात आले असून, त्यांचा अहवाल उद्या प्राफ्त होणार असल्याची माहिती सिव्हील प्रशासनाने दिली आहे. गेल्या काही दिवसांपासून काहीशी उसंत घेतलेल्या कोरोना संसर्गाने पुन्हा डोकेवर काढल्याने प्रशासन अलर्ट झाले आहे.