प्रतिनिधी / मिरज
मिरज रेल्वे जंक्शनवर येणाऱ्या प्रवाशांच्या सोयीसाठी स्थानक परिसरातच स्वतंत्र रिक्षा स्टॉप उभारण्यास रेल्वे प्रशासनाने परवानगी द्यावी, अशी मागणी प्रवासी वाहतूक रिक्षा संघटनेच्यावतीने करण्यात आली आहे.
रिक्षा चालक रितसर भुईभाडे भरण्यास तयार असल्याची ग्वाही स्टेशन अधिक्षकांना निवेदनाद्वारे देण्यात आली आहे. रेल्वेच्या पुणे विभागीय कार्यालयातील वरिष्ठ अधिकाऱ्यांशी चर्चा करुन रिक्षा स्टॉपला परवानगी देऊ, अशी हमी रेल्वे अधिकाऱ्यांनी दिली आहे.