मुंबई/प्रतिनिधी
अवघ्या दोनच दिवसांपूर्वी मुंबईतील शक्तीमिल बलात्कार आणि हत्या प्रकरणातील आरोपींना फाशीची शिक्षा रद्द करत जन्मठेपेची शिक्षा न्यायालयाने सुनावली असतानाच मुंबई पुन्हा एकदा अशाच एका घटनेने हादरली आहे. मुंबईच्या कुर्ला परिसरामध्ये असलेल्या एचडीआयले कंपाउंडमधील एका बंद इमारतीच्या टेरेसवर एका २० वर्षीय तरुणीवर ब्लाटर करून तिची हत्या करण्यात आली आहे. तिचा या इमारतीच्या टेरेसवर मृतदेह आढळला आढळला आहे. दरम्यान या तरुणीवर बलात्कार करून नंतर तिची हत्या करण्यात आल्याची बाब समोर आल्यानंतर पोलिसांनी बलात्कार आणि हत्येचा गुन्हा दाखल केला आहे. याप्रकरणी पुढील तपास सुरू आहे.|
२० वर्षीय तरुणीचा मृतदेह कुर्ला परिसरातील एचडीआयएल कंपाउंडमध्ये या आढळून आला. कंपाउंडमधील एका बंद इमारतीच्या टेरेसवर हा मृतदेह सापडला. यांनतर तातडीने हा मृतदेह राजावाडी रुग्णालयात पाठवण्यात आला. डॉक्टरांच्या अहवालानंतर पोलिसांनी अज्ञात इसमाविरोधात बलात्कार आणि हत्येचा गुन्हा दाखल केला आहे. तसेच, तरुणीची ओळख अद्याप पटलेली नसून आसपासच्या पोलीस स्थानकांमध्ये बेपत्ता असल्याच्या काही तक्रारी आल्या आहेत का, याचीही खातरजमा पोलीस करत आहेत.
मिळालेल्या माहितीनुसार, काही तरूण एचडीआयएल कंपाउंडमधील सदर बंद असलेल्या इमारतीवर इन्स्टाग्रामसाठी व्हिडीओ शूट करण्यासाठी गेले होते. यावेळी त्यांना टेरेसवर तरुणीचा मृतदेह आढळून आला त्यांनी तातडीने पोलिसांना माहिती दिल्यानंतर पोलिसांनी पुढील प्रक्रिया सुरू केली.