मुंबई / प्रतिनिधी
महापालिका अतिक्रमण निर्मूलन विभागाने, मुंबई सेंट्रल, मराठा मंदिर मार्ग येथील 62 झोपडय़ांवर गुरुवारी कारवाई करून त्या जमिनदोस्त केल्या. परिमंडळ 1 चे उपायुक्त हर्षद काळे व ‘ई’ विभागाच्या सहाय्यक आयुक्त अलका ससाणे यांच्या मार्गदर्शनाखाली ही कारवाई करण्यात आली. पालिकेने महात्मा गांधी पथक्रांती योजनेअंतर्गत या झोपडय़ांवर कारवाई केली. त्यामुळे भायखळा येथील रिझर्व्ह बँक स्टाफ क्वॉटर्समधील रहिवाशांना मोठा दिलासा मिळाला.
मात्र, येथील पात्र झोपडीधारकांना चेंबूर येथील मुकुंदनगर, मैसूर कॉलनी येथे पर्यायी घरे देण्यात आली आहेत. अतिक्रमण निर्मूलन विभागाने 135 कामगार, 2 जेसीबी, 8 डंपर यांचा वापर करून सदर कारवाई केली. त्यासाठी पालिकेच्या सुरक्षा रक्षकांचीही मदत घेण्यात आली.