ऑनलाईन टीम / मुंबई :
मुंबईच्या छत्रपती शिवाजी महाराज आंतरराष्ट्रीय विमानतळावर सोने तस्करी प्रकरणी 18 केनियन महिलांना सीमा शुल्क विभागाने आज सकाळी ताब्यात घेतले. या महिलांकडून 4 किलो सोने हस्तगत करण्यात आले असून, त्याची किंमत 4 कोटी रुपये आहे.
केनियातील काही महिला मुंबईत सोने आणून विकत असल्याची माहिती मुंबई विमानतळावरील सीमा शुल्क विभागाला मिळाली होती. त्यानंतर अधिकाऱयांनी विमानतळावर सापळा रचला. दरम्यान, आज सकाळी शारजाच्या विमानातून उतरलेल्या केनियाच्या महिला प्रवाशी मेटल डिटेक्टर मशीनमध्ये कैद झाल्या. त्यांची झडती घेतली असता त्यांनी खाण्याच्या साहित्यातून, डोक्यातील विगमध्ये, सॅन्डल आणि अंतरवस्त्रांमध्ये सोने लपवल्याचे समोर आले. अधिकाऱयांनी या महिलांकडून 4 कोटी रुपये किंमतीचे 2 किलो सोने हस्तगत करत त्यांना ताब्यात घेतले असून, पुढील तपास सुरू आहे.