कोरोनाबाबत गोव्याची बाजू मांडणार
प्रतिनिधी /पणजी
मुख्यमंत्री डॉ. प्रमोद सावंत हे आज शनिवारी सकाळी 11 वाजता पंतप्रधान नरेंद्र मोदी यांच्याशी व्हिडिओ कॉन्फरन्सद्वारे ऑनलाईन चर्चा करतील. दरम्यान, शुक्रवारी सायंकाळी मुख्यमंत्र्यांनी राजभवनवर जाऊन राज्यपाल सत्यपाल मलिक यांची भेट घेऊन त्यांना गोव्यातील प्राप्त परिस्थितीची सविस्तर माहिती दिली. ठरल्याप्रमाणे देशातील सर्व मुख्यमंत्र्यांशी पंतप्रधान शनिवारी ऑनलाईन चर्चा करणार आहेत. मुख्यमंत्री डॉ. प्रमोद सावंत हे यावेळी गोव्यातील बाजू मांडतील.