प्रतिनिधी/ पणजी
मुख्यमंत्री डॉ. प्रमोद सावंत यांनी राज्यातील जनतेला सर्वात मोठा सण असलेल्या गणेश चतुर्थीनिमित्त हार्दिक शुभेच्छा दिल्या आहेत.
गणेश चतुर्थी हा सण आपल्या सर्वांना एकत्र आणतो. गोव्यातील सर्व जनता या उत्सवाच्यानिमित्ताने एकत्र येते व त्यातून सामाजिक आणि धार्मिक सलोखा वाढला जातो. यंदा कोरोनाच्या फैलावामुळे उत्सवावर जरी काही बंधने असली तरीही जनता सर्व मर्यादेचे पालन करून उत्सवात सहभागी होतील, अशी आशा मुख्यमंत्र्यांनी व्यक्त केली. त्याचबरोबर राज्यातील व देशातील कोरोनाचे लवकरात लवकर उच्चाटन होऊन सारेजण आनंदात राहोत आणि सर्वांना सुख समृद्धी प्राप्त होऊ द्या. गणपती हा विघ्नहर्ता असून राज्यावर व देशावर आलेले कोरोनाचे विघ्न तो दूर करील. आपण तशी प्रार्थनाही या विघ्नहर्त्याकडे करतो, असे निवेदन करून मुख्यमंत्र्यांनी सर्व जनतेला शुभेच्छा दिल्या आहेत.