वार्ताहर / रामदुर्ग
तालुक्मयातील सालहळ्ळी येथे बुधवारी मुख्यमंत्री बी. एस. येडियुराप्पा यांनी भाजप उमेदवार मंगला अंगडी यांच्या प्रचारार्थ सभा घेऊन त्यांना विजयी करण्याचे आवाहन केले. यावेळी केंद्रीयमंत्री प्रल्हाद जोशी, आमदार महादेवप्पा यादवाड, मंत्री जगदीश शेट्टर, उमेश कत्ती, सी. सी. पाटील, आमदार पी. राजीव, मंगला अंगडी यांनीही आपली मते मांडून मतयाचना केली.
याप्रसंगी मंत्री श्रीमंत पाटील, माजी खासदार अमरसिंह पाटील, रमेश कत्ती, शशिकांत नाईक, विधान परिषद सदस्य हणमंत निराणी, मल्लण्णा यादवाड, डॉ. के. व्ही. पाटील यांच्यासह कार्यकर्ते मोठय़ा संख्येने उपस्थित होते. राजेश बिळगी यांनी स्वागत तर शंकर हुरकडली यांनी आभार मानले.