ऑनलाईन टीम / काबुल :
तालिबानने अफगाणिस्तानातील राष्ट्रपती भवनाचा ताबा घेतल्यानंतर त्याचे नाव ‘इस्लामिक अमिरात ऑफ अफगाणिस्तान’ असे केले. रविवारी मध्यरात्री तालिबान्यांनी सरकार स्थापनेचीही घोषणा केली . त्यानंतर आता तालिबानने मुल्ला अब्दुल गनी बरादर यांना भावी राष्ट्रपती घोषित केले आहे.
1994 मध्ये अफगाणिस्तानात तालिबानी आंदोलनाची सुरुवात करणाऱ्या चार जणांपैकी मुल्ला बरादर एक होते. 2001 मध्ये अमेरिकेच्या वर्ल्ड ट्रेड सेंटरच्या दोन इमारतींवर हल्ला केल्यानंतर अमेरिकेने तालिबानविरुद्ध युद्ध छेडले. त्यावेळी तालिबान शरण आल्यानंतर मुल्ला बरादरने दहशतवादाचे नेतृत्व स्वीकारले. अमेरिका-पाकिस्तानच्या संयुक्त अभियानात त्याला 2010 मध्ये पाकिस्तानच्या कराचीमधून अटक करण्यात आली. मात्र, तालिबानसोबत करार झाल्यानंतर पाकिस्तान सरकारने 2018 मध्ये त्याची सुटका केली.