इस्लामाबाद / वृत्तसंस्था :
पाकिस्तानाचे माजी लष्करशहा आणि सध्या दुबई येथे वास्तव्यास असलेले परवेझ मुशर्रफ यांना फाशीची शिक्षा सुनावलेले न्यायालयच बेकायदा असल्याचा निर्णय पंजाब प्रांताच्या उच्च न्यायालयाने दिला आहे. त्यामुळे फाशीच्या शिक्षेचे काय होणार, या प्रश्नावर पाकिस्तानात चर्चा सुरू झाली आहे. गेल्या महिन्यात मुशर्रफ यांना लवाद न्यायालयाने फाशीची शिक्षा सुनावली होती. या लवाद न्यायालयाची रचनाच बेकायदा आहे. त्यामुळे त्याने दिलेले निर्णयही बेकायदा आहेत, असे उच्च न्यायालयाने म्हटल्याने त्या देशात खळबळ उडाली आहे.