ऑनलाईन टीम / मेक्सिको सिटी :
मेक्सिकोची राजधानी असलेल्या मेक्सिको सिटीत मेट्रो ट्रेनसह पूल कोसळून घडलेल्या दुर्घटनेत 15 जणांचा मृत्यू झाला आहे. तर 70 हून अधिक जण जखमी आहेत. सोमवारी रात्री उशिरा घडलेली ही घटना सीसीटीव्हित कैद झाली आहे.
मेक्सिको सिटीच्या मेयर क्लॉडिया यांनी दिलेल्या माहितीनुसार, सोमवारी रात्री मेक्सिको सिटीत मेट्रो ट्रेनसह पूल कोसळून 15 लोकांचा मृत्यू झाला, 70 हून अधिक लोक जखमी झाले आहेत. रात्री उशिरापर्यंत वैद्यकीय पथक आणि अग्निशमन दलाकडून बचावकार्य सुरू होते. या दुर्घटनेत अनेक वाहनांचेही नुकसान झाले आहे. या दुर्घटनेची चौकशी करुन दोषींवर कारवाई करण्यात येणार असल्याचेही त्यांनी सांगितले.