26/11 दहशतवादी हल्ल्यात हुतात्मा झालेले मेजर संदीप उन्नीकृष्णन यांच्या जीवनावर आधारित चित्रपट ‘मेजर’ प्रदर्शनापूर्वी चर्चेत आहे. चित्रपटाच्या पोस्टरपासून टीजरदेखील मोठी प्रसिद्धी मिळवत आहे. चित्रपटात सई मांजरेकर झळकणार आहे.
शाळेचा गणवेश परिधान केलेल्या अदिवी शेषच्या बाजूला बसून त्याला प्रेमाने न्याहाळताना सई या चित्रपटाच्या पोस्टरमध्ये दिसून येत आहे. चित्रपटाचा टीजर 12 एप्रिल रोजी प्रदर्शित केला जाणार आहे.
चित्रपटात सई 16 वर्षीय मुलीपासुन 28 वर्षांच्या महिलेपर्यंतची भूमिका साकारत आहे. मेजर चित्रपट हिंदी आणि तेलगू भाषेत तयार केला जात आहे. याचमुळे सईने तेलगू भाषेचे धडे घेतले आहे. चित्रपटात अभिनेता अदिवी शेष हा मेजर उन्नीकृष्णन यांची व्यक्तिरेखा साकारणार आहे. हा चित्रपट 2 जुलै रोजी प्रदर्शित केला जाईल. शशी किरण टिक्का यांनी याचे दिग्दर्शन केले आहे. तर सोनी पिक्चर फिल्म्स इंडियाकडून याची निर्मिती करण्यात येत आहे.