प्रतिनिधी \ बेळगाव
मोटार सायकल अपघातात गंभीर जखमी झालेल्या देवलत्ती (ता. खानापूर) येथील एका रहिवाशाचा बुधवारी दुपारी सिव्हिल हॉस्पिटलमध्ये मृत्यू झाला. खानापूर पोलीस स्थानकात या घटनेची नोंद झाली आहे.
गजबर मकबुल फरास (वय 43, रा. देवलत्ती) असे त्याचे नाव आहे. सोमवारी 20 जानेवारी रोजी सकाळी देवलत्तीजवळ झालेल्या मोटार सायकल अपघातात तो गंभीर जखमी झाला होता. त्याला उपचारासाठी सिव्हिल हॉस्पिटलमध्ये दाखल करण्यात आले होते. उपचाराचा उपयोग न होता दुपारी त्याचा मृत्यू झाला. सिव्हिल हॉस्पिटलमध्ये उत्तरीय तपासणी करुन त्याचा मृतदेह नातेवाईकांच्या ताब्यात देण्यात आला.