ऑनलाईन टीम / मुंबई :
अभिनेत्री ऐश्वर्या राय बच्चन आणि तिची मुलगी आराध्या बच्चन यांना काल रुग्णालयातून डिस्चार्ज देण्यात आला आहे, अशी माहिती स्वतः अभिषेक बच्चन याने ट्विट करुन दिली होती.
त्यानंतर अमिताभ बच्चन यांनी यांनी देखील एक ट्विट केले आहे. ते आपल्या ट्विट मध्ये म्हणतात की, आमच्या चिमुकलीला आणि सूनबाईंना रुग्णालयातून डिस्चार्ज मिळाला आहे. माझ्या डोळ्यातील अश्रू थांबत नाही आहेत. देवा तुझी कृपा आहे, अशा भावना व्यक्त केल्या.
दरम्यान, आराध्या आणि ऐश्वर्या या दोघींवर मुंबईच्या नानावटी रुग्णालयात कोरोनावर उपचार सुरू होते. या दोघींना काल डिस्चार्ज देण्यात आला आहे. मात्र, अभिषेक आणि अमिताभ बच्चन हे दोघे अजूनही रुग्णालयातच असून त्यांची प्रकृती स्थिर आहे.