बेंगळूर/प्रतिनिधी
शनिवार व रविवारच्या कर्फ्यूच्या पार्श्वभूमीवर म्हैसूर प्राणीसंग्रहालय आणि म्हैसूर पॅलेस दोन दिवस पर्यटकांसाठी बंद ठेवण्याचा निर्णय घेण्यात आला आहे. तसेच इतर पर्यटन स्थळे देखील शनिवार व रविवार बंद राहणार आहेत.
दरम्यान राज्यात कोरोनाची संख्या कमी झाल्यांनतर नियमात शिथिलता देण्यात आली आहे. त्यामुळे सर्वत्र नागरिकांची गर्दी पुन्हा वाढत आहे. पर्यटन स्थळे खुली असल्याने नागरिक घराबाहेर पडत आहेत. दरम्यान, लॉकडाऊनमध्ये शिथिलता आल्यानंतर राजवाडा आणि प्राणीसंग्रहालयाकडे गर्दी वाढत आहे. त्यामुळे कोरोनाचा धोका लक्षात घेऊन प्राणीसंग्रहालय, पॅलेस शनिवार – रविवार पर्यटकांसाठी बंद ठेवण्याचा निर्णय घेतला आहे.