ऑनलाईन टीम / अबुजा :
बलात्काराच्या घटना दिवसेंदिवस वाढत असल्याने नायजेरिया सरकारने बलात्काऱ्यांविरोधात कठोर कायदा केला आहे. यापुढे बलात्कार प्रकरणातील दोषींना शस्त्रक्रियेद्वारे नपुंसक करण्यात येणार आहे. संबंधित पीडिता 14 वर्षांखालील असेल तर दोषीला फाशी देण्यात येणार आहे.
वाढत्या बलात्काराच्या घटनांना आळा घालण्यासाठी आणि सध्याच्या कायद्यातील पळवाटांमुळे आरोपी सुटू नये, यासाठी नायजेरियातील कदुना प्रांत सरकारने हा कायदा तयार करत त्याची तातडीने अंमलबजावणी करणार असल्याचे जाहीर केले आहे.
बलात्काऱ्यांविरोधातील हा कायदा केवळ पुरुषांसाठीच नाही तर महिलांसाठीही आहे.एखाद्या महिलेने जर 14 वर्षांखालील मुलावर बलात्कार केल्यास आरोपी महिलेचे गर्भाशय काढून टाकले जाणार आहे.