ऑनलाईन टीम / नवी दिल्ली :
केंद्रीय आरोग्य मंत्रालयाने ‘कोविशिल्ड’ लसीच्या दोन डोसमधील अंतरात पुन्हा एकदा बदल केला आहे. सर्वसामान्यांना 84 दिवसानंतर दिला जाणारा कोविशिल्डचा दुसरा डोस आता एका विशिष्ट गटासाठी 28 दिवसात दिला जाणार आहे. त्यांना दुसऱ्या डोससाठी 84 दिवस वाट पहावी लागणार नाही.
या विशिष्ट गटात ऑलिम्पिक टीमचा भाग असणारे खेडाळू, नोकरी अथवा शिक्षणासाठी परदेशात जाणारे आणि आंतरराष्ट्रीय प्रवास करणाऱ्या लोकांचा समावेश आहे. इतरांना मात्र, या लसीचा दुसरा डोस 84 दिवसानंतरच मिळणार असल्याचे आरोग्य मंत्रालयाकडून सांगण्यात आले.