नेयॉन (स्वीस) : 2021-22 युफा चॅम्पियन्स लीग फुटबॉल स्पर्धेचा उपांत्यपूर्व फेरीचा ड्रॉ जाहीर करण्यात आला असून विद्यमान विजेता चेल्सीचा सामना बलाढय़ रियल माद्रिदविरुद्ध होणार आहे.
युफा चॅम्पियन्स लीग फुटबॉल स्पर्धेच्या उपांत्यपूर्व फेरीतील पहिल्या टप्प्याला 5 आणि 6 एप्रिल रोजी प्रारंभ होणार असून या टप्प्यातील परतीचे सामने एक आठवडय़ाच्या अंतराने घेतले जाणार आहेत.
प्रीमियर लीग फुटबॉल स्पर्धेत खेळणाऱया लिव्हरपूलचा उपांत्यपूर्व सामना बेनफिकाविरुद्ध होणार आहे. मँचेस्टर सिटी व ऍटलेटिको माद्रिद तसेच बायर्न म्युनिच-व्हिलारेल यांच्यात लढती होतील. या स्पर्धेचा अंतिम सामना 28 मे रोजी स्टेड दे फ्रान्स येथे खेळविला जाईल.